السلام عليكم ورحمه الله وبركاته
ده بقى انا حاطه هنا علشان البنات اللى ما بيعرفوش يطبخو
او يعملو حاجات حلوه ولان انا بقى با حب الحكايه دى جدا
فقررت انا انا اجيب لكم كل اسبوع وصفه جميله وسهله
علشان لما ربنا يسهلكم وتتجوزو العرسان
يبقو يلاقو حاجه حلوه يا كلوها بعد الفول والطعميه ووصفة النهارده حاجه سهل اوى
علشان بس ما اصعبش عليكم من اولها وهى عباره عن عمل
الشكلمه
المقادير
بياض 2 بيضة ، 2 ملعقة كبيرة سكر بودرة ، 4 ملاعق كبيرة جوز هند مبشور رفيع ، وشوية لبن
للتجميل كريز او زبيب او اى حاجه انتو عاوزينها طبعا يعنى ممكن شيكولاته لو حبيتوا
الطريقه بقى سهله اوى
1_ يضرب البيض جيدا حتي يغلظ قوامه ثم يضاف السكر تدريجيا حتي ينتهي المقدار ويضاف اللبن
2_ يضاف جوز الهند ويخلط جيدا مع اضافة الفانيليا
3_ تبلل الاصابع بالماءوتشكل العجينه الي كور في حجم عين الجمل
4_ ترص في صاج مدهونة بالسمن وتدخل الفرن متوسط الحراره حتي تنضج يراعي
ان يترك مسافات كبيره بين الكور
5_ يترك حتي يبرد ثم يجمل بالكريز او الزبيب
شوفتو بقى الموضوع ساهل ازاى وطبعا انتو ممكن تزودو المقادير زى ما انتو عاوزين
اعملوها بقى وقولو لى علشان اشوف هاتبقى زى اللى انا عملتها ولا ايه
بالهنا والشفا
السبت أكتوبر 27, 2007 1:35 pm