تنبية هاااااااام جدااااا قبل ماتنطق كلمة بحبك (ادخل و اعرف)؟

الأيام دي اصبحت كلمة (بحبك) تقال بلا حساب وكأنك بتقول انا بحب المانجة
تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم
من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه

بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم

بالنسبة للبنت:

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق

في طرق متعددة لإختبار حب الطرف الأخر واللي يحب اني اقولها معنديش مانع

كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار

كلمة بحبك

كلمة حبيبى

اه يا حبيبى

لما تنادينى

ياسمر الكلمة دى بقت على كل لسان اللى بيحب بيقول بحب

واللى بيكره بيقول بحب بس من جواه بيكره

بس اكيد مش كل الناس بتولها للتسلية

فى ناس كتير قالتها بصدق وكان فى المقابل انها اتقالتلهم لمجرد التسلية

فاكيد بعد كدا ممكن يقولها للتسلية

نادرا دلوقتى اساسا لو حد اتجوز على حب تقريبا بقا كله جواز تقليدى

ناس كتير متعرفش ايه معنى الكلمة دى بس اهى بتقولها وخلاص بس متعرفش ايه اللى هيترتب على الكبمة دى

متشكرين يا سمر على الموضوع

موضوع جميل جدا يا سمر

وفعلا زي ماقال محمود

فيه اللي بيقولها وحاسسها وفيه اللي بيقولها وهو مش حاسسها

يعني كل حاجه فيها الصح وفيها الغلط فيها الحلو وفيها الوحش
وربنا معانا جميعا ويهدينا

ميرسى ليك يا ميدو انت ورزاليتا بس فعلا زى ما فى الحلو فى الوحش وفى ناس معندهاش ضمير وبتستخدم الكلمة دى كتير عشان تضحك على الشخص اللى ادامها

الله عليكى يا سمسمة
فعلا موضوع يتحب ههههه
كلامك كلة صح
وزى ما فى الى بيلعب بردو فى الى بيكلم بجد

اكيد طبعا يا جمال والموضوع نور يا قمر لما بمرورك عليه

الله الله ياسمسمه بجد موضوع تحفه

الحب ده مجرد احساس يتحس وصحيح فى كتير بيقولها كا تسليه ودول الا هما مش حسين بيه ولا هيحسوا بيه علشان بيقولو كلاموا كذا مره وهما مش حسيب بيه وربنا يارب يهدى

انتى عندك حق يا رنا ونورتى وشرفتى الموضوع يا قمر Smile

SemSemA ElMasrY كتب:: انتى عندك حق يا رنا ونورتى وشرفتى الموضوع يا قمر

يا خرابى نور بعد نورك يا سمر مستحيل طبعا على العموم مرسى ليكى

ربنا يخليكى يا قمر وتسلمى لمرورك يا جميل

مرسى يا سمسمه

نورتى يا رنا

السلام عليكم

كلامكم كله جميل وموضوع جميل اوى يا سمسمه بس انا ليا راى

اولا طبعا اجمل احساس فى الدنيا هو الحب ما فيش اجمل من ان الانسان يحب ويتحب ويلاقى حد جنبه فى فرحه وفى زعله يفرح معاه ويزعل لزعله اتنين يبقو جنب بعض يكملو بعض ويخافو على بعض بس طبعا الكلام لو كان الحب ده حب بجد من القلب

لان فيه حكمه بتقول اللى يطلع من القلب يدخل القلب واللى يخرج من بين الشفاه لا يتجاوز الاذان

وانا رايى ان ما فيش ولد يقدر يضحك على بنت ويفهمها انه بيحبها الا اذا هى سمحت بكده لان مش معقول هابقى عامل فيها باحب واحده وهى تحبنى بجد وع ذلك مش تحس بصدق كلامى او عدم صدقه لانها لو حبيتنى بجد بجد اكيد هاتعرف تفرق بين كلامى لو كان من القلب او مجرد كلام وخلاص

وبرده مش بنت تقدر توقع ولد بكلمة بحبك الااذا هو كمان سمح لها

الحب ده شعور متبادل بين اتنين والاتنين لازم يكون بيحبو بعض بصدق علشان يحسو ببعض

علشان كده نصيحه منى لكل الاولاد والبنات اذا واحد قال لك بحبك وانتى ما حسيتهاش منه بجد يبقى هو مش بيحبك بجد او انتى مش بتحبيه ونفس الحكايه للولاد وده راييى

سلاااااااااام

انا بشكرك جدا ومحترمة رايك للغاية بس صدقنى فى ناس عندها مهارة للغاية للاقناع وهى بتكون كدابة والناس دى بنقابلها كتير خصوصا الشباب بتبقى عندهم وسائل رهيبة عشان يوقعوا البنت وخلاص
وانا بشكرك يا قمر على مرورك

بصى يا سمسمه اولا موضوعك ملوش حل وكويس جدا بس اقسم بالله مفيش اى حاجه اسمها حب ولا عمر هيبقى فيه حب ابدااا الكلام ده كان زمان بس دلوقتى لا خلاص الحب راح وكل معنى بيه مش ممكن يكون موجود الزمن ده[/b]