سيداتي ، سادتي كله يظبط موجة راديو على قناة " الإف إخص" 20006600 حيث المرح و الهرج و التهييس و قناتنا هي أول قناة تنمي التفاهة عند الشباب وتفخر بأنها لا تقتصر فقط على الراديو بل و أيضا التلفزيون عشان نطبق المثل " اللى ما يشتري يتفرج ".
و أيضا قناتنا تقدم باقة مختارة و غير مختارة من الأغاني بهدف " على كل لون يا بتسطا "
و الأن نترككم مع برنامج " حب متختشيش " مع أسامة سمير :
تحذير هام :
" ننصح مرضى القلب و الضغط مراجعة الطبيب قبل الإستماع ، المحطة غير مسؤلة عن أى أصابات "
المذيع ( عفانا الله و عفاكم ) : أحبائي اللي يحبه الحب موضوعنا النهاردة عن الحياء في الحب ، وده موضوع يؤرق كل شبابنا الحبيب، و نحب نستقبل أول إتصال .
المزيع : الوووو
الحبييبة : ألو، إزيك يا أسامة أنا بحبك ، أوي اوي بجد.
المزيع : فعلا ، فعلا ، أنا اتحب حقيقي ، بس إحنا موضعنا إنهاردة عن الحياء في الحب ، إنت متجوزة ؟
الحبييبة : لأ
المزيع : مخطوبة ؟
الحبييبة : توء .
المزيع مرتبطة عاطفيا ؟
الحبيبة : أه
المزيع : طب يا ترى قلتيلوا بحبك .
الحبييبة في إندهاش و إندفاع شديد : طبعا، كتير بس هو مأليش خالص .
المزيع : أه ممكن يكون هو بيكسف أو في أنوع من الشباب ما بيصرحش بحبه لأنه أكيد بيكون بيلعب بعواطف البنت ، بس أنا بشجعك علي الإستمرار في العلاقة.
الحبيبة : اسامة بس حاسة إني بحب واحد تاني بس الأولاني مالي علية حياتي .
المزيع : أنا رأي إنك تسيبي الأول و التاني و تحبي من أول و جديد
و دلوقتي نسمع أغنية "الإختاشوا ماتوا "
وربنا يقدم اللى فيه الخير
الأحد يوليو 08, 2007 8:08 pm
